Fartölvur !

Ég er að lenda í því í 3.ja skiptið núna að þegar ég er búinn að skrifa eins og 10-15, línur af þaulhugsuðu og framúrskarandi vönduðu og vel útfærðu efni,  þá rek ég mig í lyklaborðið einhvernveginn með þeim afleiðingum að allt strokast út !!!!

 ÉG NENN´ESS´EKKI !!!


Úrvalsvísitalan ???

Hvernig stendur á því að þessar fréttir um, úrvalsvísitölur,verðbólgu, neysluverð,ársverðbólga og áhrifaþætti á gengislækkun og gengisþróun geta gert mig alveg rangeygðann. ?

Fyrir það fyrsta, þá fæ ég alltaf á tilfinniguna að ég sé 12. ára og get ekki skilið þetta svona ungur.      18. árum seinna þegar ég er alveg að slaga í 30. þá er ég engu nærri, nema kanski að þetta lítur út fyrir mér eins og einhverskonar "Lingo" hjá þeim sem hafa að baki 4-12. ára háskólamenntun.          

Og hvernig getur maður fundið út nákvæmlega hvað stjórnar þessu öllu, eru þar flókin lögmál að verki eru þessi orð jafnvel öll tengd hverju öðru með formúlum og staðalfrávikum, ???? . . . . . . . .. . . . . .  nei, fyrirgefiði mig ég get ekki séð beint samhengi í þessu öllu saman, rétt-sí-svona, hvað þá haft tök á að fylgjast með þessu öllu saman,   Seðlabankinn er alveg frábær í öllu þessu dæmi,  verðbólguspáin er 4,5, %.  og þó svo ég skilji það ekki til fulls,  þá er ég nokkuð viss um að það boði nokkuð gott.

Hvernig væri að X-a þetta ???  þ.e.a.s.  taka þetta eins og x-kynslóðin myndi gera,  einfalda málið, bæta nokkrum vinsælum enskuslettum, og tala eins og fátækur blökkumaður úr New York. (homie)

 Við gætum meira að segja fengið Davíð Oddson til lesa í byrjun hvers mánaðar á samtengdum útvarpsrásum og sjónvarps.

Ég sé fyrir mér að það myndi hljóma einhvernveginn svona:

 Gott kvöld, fimmtudagurinn 3. nóvember, klukkan er 18:00, nú verða lesin fjármálatíðindi           Þulur er Davíð Oddsson.

Bankarnir seldu fullt af dollurum og pundum græddu frekar lítið, (aaaaight)  tveir viðskiptajöfrar keyptu sér villur í Frakklandi, þó það hafi í sjálfu sér lítil áhrif á íslenskt fjármálalíf, skilaði það sér engu að síður í no buiz, á klakanum,   verðin halda áfram að hækka, meira að segja Big Mac er að nálgast þússarann, og bensín nær mjög fljólega heimsmeti í háu verði hér á landi. en það er samt best að keyra um á gömlum jeppum, gróður-húsa-áhrif-lega séð. Krónan lækkar og lækkar, sem þýðir bara það að innfluttar vörur hækka bara meira og meira, á meðan fiskurinn og restin af draslinu sem við reynum að flytja út lækkar og lækkar.         En Eimskip hækkaði um 2,82 %  

Svo kemur lítll lagstúfur, og úr honum kemur rödd sem skyndilega byrjar að tala um leið og öll leikmyndin og tæknilegu effectrnir í sjónvarpstækjum landans, sem halda öllum landanum límdum við efnið, að  feida rólega út, og röddin segir þykkum og traustum karlmannsróm, , , , , , , , , , , , , , 

Fjármála-tíðindi eru í boði KB-banka,         MX12. við borgum þér vextina mánaðarlega ! 

 


mbl.is Exista hækkar um 4,78%
Tilkynna um óviðeigandi tengingu við frétt

Er daður saklaust fyrirbæri ?

Þetta er alveg ótrúlega fyndin frétt,   þegar að svona gerist í alvörunni er eins og ýktasta dæmið verði að raunveruleika og allt fari í bál og brand,   Það finnst mér alveg með ólíkindum hvað mikið hefur verið gert út á daður og það sem því fylgir undanfarin ár, ég man þá tíð þegar ég var ungur og sakleysið sem fylgdi því að vera að stíga í vænginn hjá hinu kyninu, var álitið fallegt og ógleymanlegt, og hin fyrstu kynni voru mikilvæg þeim sem áttu í hlut.  En nei, í dag ertu búinn að daðra kannski sakleysislega í korter, og allt í einu áttar þú þig á því að hinn aðilinn er búinn að stúdera daður í tíma og ótíma,  viðkomandi er búinn að lesa margar bækur og tímarit, fara á námsskeið og æfa sig heima til þess að ná fullkomnum tökum á listinni.  Allt í einu í miðjum rómantískum samræðum þar sem allt virðist ganga eins og í draumi að þú ert ekkert nema tilraun eða æfingartæki hjá einhverju dýri sem ætlar að vinna þig í þesum leik,  og éta þig eftir á......

Ég ætla ekki að segja börnunum mínum að daður sé eitthvað til þess að leika sér að, ætli ég vari þau ekki frekar við því,     vonandi verða þau ástfanginn á eðlilegann og heilbrigðann hátt, og geta geymt minninguna með sér.

Endilega segið mér hvernig æft og undirbúið daður geti verið heilbrigt á einhvern hátt, nema um tvo týnda og veika einstaklinga sé að ræða og ég skal reyna svara því eftri mínu besta viti. 


mbl.is Daður á netinu endar með skilnaði
Tilkynna um óviðeigandi tengingu við frétt

4.000.- km.

IMG_1889  Við keyrðum rétt tæpa 4.000.- km í sumar, sem er okkar persónulega met, þó svo að við séum alveg óð í að ferðast þá fór sumarið alveg fram úr væntingunum okkar.
 
Við hófum sumarfríið okkar með laufléttri sumarbústaðar-ferð með börnunum okkar og mæðrum, fórum beint þaðan á Akureyri, þar sem við hittum ferðafélagana okkar, þau Björgvin, Beggu, Róbert og Eddu Lovísu og með þeim keyrðum við hringinn í kringum landið.
   Dagarnir fóru ekki alveg eins og ég hafði planað þá, en mér tókst samt einhvernveginn að halda geði, þrátt fyrir skipulags-breytingar og ýmislegt annað sem ég hafði ekki planað,   topparnir í ferðini voru tveir, annars vegar þegar við vorum á Akureyri og vorum að leggja í hann norður        á Mývatn þegar við fengum óvænt símtal frá gömlum vini okkar Bjögga,  Bogi var á leiðinni á Sigló þar sem hann bauð báðum fjölskyldunum að vera í 2. nætur í gamla húsinu sem Afi hans og Amma bjuggu.  Hins vegar þegar við vorum á Brennistöðum austur á héraði hjá Doja frænda að bauð okkur strákunum að hjálpa sér við heyskapinn, Bjöggi var fyrst pínu ragur að keyra dráttarvélarnar, en í eitt skiptið þegar mér varð litið á hann þá sá ég greinilega hversu dedicated hann er leiklistinni, því að hann var byrjaður að leika bónda, með aðra höndina á stýrinu og hina á öðru aftur-brettinu (á 1975. modelinu af Massey Ferguson 165 sem var með hálft húdd og enga glugga) einbeittur og grimmur í framan, tunguna langt út um munnvikin, eins og hann hefði ekki gert neitt annað undanfarin 35. sumör. Við lokuðum hringnum síðan með dvöl á Sólheimum í  Grímsnesi í góðum gír.
 
2. dagar stop í borg dauðans og svo Vestfirðirnir,  já ekkert slor bara meira ferðalag, í þetta sinn fengum hann Arnór með okkur í bílinn Agneta fór til mömmu sinnar og Þau Björgvin og fjölsk. hvíldu sig í bænum enda voru þau nýkomin úr 16-17.daga ferðalagi frá Ameríku þegar þau byrjuðu hringinn með okkur.
En við héldum órög áfram enda með tjaldvagn í eftirdragi og Arnór í aftursætinu þyljandi upp hvert einasta kennileiti og sögur af öllu því sem hann vissi um við hvern stað, enda ættaður frá Barðarströndinni og mikinn áhuga á landinu.    
 
Þetta spannaði rúmar 3. vikur þetta ferðalag, og núna er allt að komast í eðlilegt horf, ég er farinn að vinna, Thelma er byrjuð í skólanum, og Brynjar er byrjaður í leikskóla,  og þrátt fyrir magnað sumar þá er samt vel þegið að komast aftur í rútínuna.  vakna á morgnana, kúka kl. 13:30. borða kl. 18:45. svæfa börnin kl 20: 15.  og sofna yfir Jay Leno. 

Lélegasti bloggari landsins !

Þar hafið þið það,  það er orðið officialt.    Ég er án efa lélegasti bloggari landsins.

Ég biðst velvirðingar á þessu blogg-leysi,  en finnst afar erfitt þessa dagana að finna tíma til þess að setjast niður og skrifa,   og þá á ég sérstaklega við aðdáendurnar mína.

En minn tími mun koma ,  bara ekki alveg strax, og þá mun ég láta rigna yfir ykkur fyndnum og skemmtilegum færslum og skemmtisögum.    


Ennþá meiri gleði !


Bara gaman


Góð Systkyni

Góð systkyni

Sól og Sæla

Ja-hérna hér, það er aldeilis hvað veðrið ætlar að leika við okkur.     Eftir ansi annasamann dag, þá liggja allir alveg sigraðir hérna heima í kotinu.

Um leið og (stór)fjölskyldan fór fram úr í morgun þá lá það í loftinu að framundan væri stórkostlegur dagur, eftir að hafa fengið símtal frá tengdó þá vissum við hvernig leiðin lá, og hvernig við myndum verja deginum,   eftir að allir voru búnir að háma í sig cocoa-pops og hafragraut, fór frúin í snöggt bað(c.a.1.klst & 15mín,) á meðan mynduðumst við Brynjar og Agenta að koma okkur í fötin,  þrátt fyrir lágann fjölda flíka per-mann, tók það samt sem áður smá tíma að máta og sætta sig við hvaða föt væru hvað hentugust fyrir daginn.   að því loknu brunuðum við Hafnarfjörðinn til tengdó, ekki nema 40-50 mín sein umfram áætlaðann komutíma.    Sjálfur fór ég í vörubílaleik með tengdapaba, Thelma skaust að sinna smá erindi, og Alla fór með krakkana í smábíltúr.  Eftir 4. & 1/2 tíma í vörubíla og gröfuleik hittust svo báðar fjölskyldurnar í garðinum hjá tengdó, þar sem við lékum okkur í góða stund og röbbuðum saman,  enduðum á því að borða laaaang bestu hamborgara í heimi á stéttinii fyrir utan í frábærum fíling.

Ég hef tekið vel eftir því hvað veðrið í dag setti stórann svip á mannlífið, hvert einasta mannsbarn sem ég sá var brosandi út að eyrum annað hvort upptekið eða á leiðinni að gera eitthvað skemmtilegt,  alls ekkert merkilegt að taka eftir þessu sosem, en ég sá nokkrar skondnar og áhugaverðar týpur í dag sem maður myndi annars ekkert taka eftir.

  1.  sú fyrsta var  hnakki, selfyssingur, FM957.gaur, þið vitið svona Gilsenegger-týpa, ég starði á hann vegna þess hversu hrikalega brúnn gaurinn var, ég bretti upp ermunum á bolnum mínum til þess að athuga hversu mikinn lit ég væri búinn að taka, "greinilegur roði á bicepnum, hálfur hvítur,hálfur rauður ég hugsaði með mér hversu mikið ég væri búinn að vera úti í sólinni, en í samanburði við hann var ég eins og albínói.  Ég hugsaði með mér hversu kjánalegt þetta var, en komst svo að þeirri niðurstöðu að roðinn minn var authentic,  gaurinn er áreiðanlega búinn að eyða meiri pening í ljósabekki á árinu en meðaljóninn í besín, en þarna var hann í stuttbuxum og ermalausum bol, gervi ray-ban gleraugu, og með alveg óaðfinnanlega brúnku.                           Þetta er eins og að mæta á allar bílsasýningar á stolnum bíl !!!

2.  nr: tvö í röðinni var "Hressa & Opna stelpan" þessi sem valhoppar allt sem hún fer,  bara ósköp venjuleg stelpa  hoppandi um  létt á tá og brosandi  beint  út  í loftið, greinilega algjörlega ómeðvituð um allar þær hættur sem leynast út  í lífinu en tilbúin að mæta hverju sem er með bros á vör.  Ég sé enga ástæðu til þess að vera að agnúast út í hana NEMA hvað að hún var með einn greinilegann complex sem ég skil sjálfur vel, sjálsagt búin að vera í unglingavinnuni í vikunni, en annað hvort hefur hún gert þau mistök að gleyma að setja í þvottavélina undanfarna viku eða hreinlega ekki áttað sig fyrr en hún var komin út,   að bolurinn sem hún var í var minnst 4 eða 5.cm styttri en allir hinir bolirnir hennar og þar af leiðandi sást mjög greinilega röndin á ofanverðum handleggnum(bicepnum) sem hún reyndi stanslaust að toga til og víkka til þess að fela þennan greinilega mun á hendleggjunum á henni,  þetta hefði sjálfsagt sést minna ef hún hefði ekki verið í svörtum bol...

3.   Síðast en ekki síst "Vörubílstjórinn"  maður hefur margoft séð þegar að atvinnubílstjórar eru á ferð, það er engin leið að villast.  Það er eins og að hendurnar og höfuðið hafi farið til spánar og skilið restina af líkamanum eftir heima. En þessi sem ég sá í dag var búinn að átta sig þessu, hann var ber að ofan að keyra svona vörubíl sem keyrir á milli með sand allann daginn.  Þessi ágæti maður var greinilega búinn að vera að vinna alla síðastliðna viku, vaknað svo upp við vondann draum í gær,  þegar að hann sá að hausinn og hendurnar hefðu farið til spánar,  hugsað með sjálfum sér að best væri að gera eitthvað róttækt í málinu,   ber að ofan var greinilega málið,  ég vona allavegana að hann hafi verið í buxum, þegar að hann stoppaði fyrir mér og klóraði sér eitthvað þar sem ég ekki sá og brosti breitt,    en það sem var lang lang-sniðugast við þetta að í gegnum rúðurnar í sólinni sá ég alls ekkrt móta fyrir höndunum á honum og höfðinu þar sem hann var hvað svartastur, ef ekki hefði verið fyrir armbandsúr, sólgleraugu(með króm-spöng), upplituðu hárinu og hvítum tönnunum.... 


Helvítis bloggið

Jæja, þá er maður farinn að blogga,   það lá beint við að gera eitthvað í þessari einskæru forvitni minni um hvað annað fólk er að setja á netið(bloggarar) og því að þurfa að skrifa og hafa skoðanir á nánast öllu sem fram fer í þjóðfélaginu.

 Ég vona að mér takist að skrifa eitthvað sem er nógu áhugavert og skemmtilegt lesningar, að fólk staldri aðeins við og segi sína skoðun þar sem á við. Ég held að það sé nógu mikið af óáhugaverðum bloggsíðum þar sem fólk hamast við að koma málefnum á fram færi, á ómálefnanlegann hátt.         Einnig vona ég að ég móðgi eða særi engann, nei annars ég vona að ÞEIR sem ég móðga eða særi á einhvern hátt, hafi í hyggju að segja mér það umbúðarlaust og svari hátt fyrir sig(það er engin beri leið að komast að því hvort maður hafi rangt fyrir sér eða ekki)  

Ég hef um nokkurt skeið fylgst með nokkrum bloggurum og fréttapistlum eins og Kompási, og fengið smá fútt út úr því að svara umræðum, ef upp á það er boðið, en hingað til ekki þorað að ráðast sjálfur í það að blogga,  hver veit nema að það horfi öðruvísi við að fá athugasemdir sjálfur í stað þess að setja þær bara inn ???

 Aaaaanyways,,,   ég mun reyna mitt besta við að halda fólki uppteknu við að svara vitleysunni úr mér, og sjálfsagt reyna að siða mig til í þessum heimi(blogworld) ef svo reynist vera að það er einhverskonar löggæsla eða siðferðis"code" sem menn eiga að lúta undir hér á blogginu, þá biðst ég bara strax vægðar, og bið mína nánustu að hugsa um fjölskylduna mína ef ég þarf að sitja inni.

 


Innskráning

Ath. Vinsamlegast kveikið á Javascript til að hefja innskráningu.

Hafðu samband